Android eta iOS mugikorretarako aplikazioa berritu du Berriak aste honetan. Eguneraketan, audioari eman diote garrantzia berezia. Berriak zein albisteak entzuteko (azken hauek ahots bihurketa automatizatu txuku batekin) aplikazioan entzungailu osoago bat du orain, pantaila osoa hartuko duena, audioan atzera eta aurrera ibiltzeko, eta azkarrago edo mantsoago aditzeko aukera ere emango duena.Entzungailu berria "iOS eta Android sistema eragileetarako egokitua dago, eta entzuteko eta kontrolatzeko aukera gehiago ditu", azaldu du Pello Urzelai Berriako IKT arduradunak albiste honetan. Aplikazioaren Entzun Berria atalean, eguneko albiste hautatuak aditzeko aukera du erabiltzaileak, eta, horretan, albisteak erreprodukzio zerrenda bat balira bezala entzuteko modua jarri duen.Albiste idatziei dagokienez ere, nabigatzailea ireki gabe irakurri daitezke edukiak aplikazioan bertan. Aplikazioaren barruan daude halaber Berriaren zerbitzuak: komunitateko eskaintzak, zozketak, hilberriak, bilatzailea, lurraldeetako informazioa... BERRIAlagunek, erregistratuz gero, PDFa irakurtzeko aukera ere izango dute.Berriaren aplikazioa lortzeko:- Androiderako
- iOSerako, iPhoneetarako

Berria, Hamaika Telebista, Euskal Irratiak, Euskalerria Irratia eta Kanaldude hedabideak Sarebide egitasmoa garatzen hasi dira, eta joan den ostiralean aurkeztu zuten Iruñean.Kontsortzio honetako hedabideek baliabide eta soluzio teknologiko amankomunak izango dituzte, eta adimen artifiziala (AA), sareko edukietara sarbidea, musika-plataforma partekatua eta ikus-entzunezko edukiak zabaltzeko kanalak eta formatuak zabaltzeko tresnak izango dituzte eskura proiektua azken burura eramandakoak. Horretarako hiru lan-ildo garatuko dituzte:- Baliabide eta soluzio teknologiko komunak,
- Sare eta kanal berriak sortuko dituzte, euskarazko ikus-entzunezko edukiak gehiago zabaltzeko.
- Taldea osatzen duten hedabideen azpiegitura digitala gaurkotuko dute.Proiektuaren xedetzat honako hauek aurkeztu dituzte partzuergokoek:- Euskarazko hedabideen arteko mugaz gaindiko lankidetza teknologikorako sare bat osatzea, azpiegitura komun eta partekatu batekin.
- Euskarazko ikus-entzunezko eduki digitalak hedatzeko sistema berriak garatzea, publiko guztientzat irekia.
- Adimen artifizialaren eta lengoaia naturalaren prozesamendurako teknologiak ikertu eta aplikatzea proiektuko plataformetan, erabiltzaileen esperientzia hobetzeko asmoz.
- Euskararen erabilera sustatzea eta herritarren artean mugaz gaindiko errealitateen ezagutza eta lotura bultzatzea.Europako Batasunak kofinantzatuko du proiektuaren %65 Interreg POCTEFA mugaz gaindiko lankidetza programaren funtsen bitartez.Informazio gehiago: Berriaren webgunean.Argazkia: Iruñeko Kondestablearen jauregian ostiralean egin zuten aurkezpenekoa, Kanalduderen Instagram kontutik.

Badux.lol webgunean interfaze txarren "munduko txapelketa" bat antolatu dute. Emaitzak bikainak izan dira, hau da, txarrak eta desastrosoak, barregarriak oso. Izenak berak esaten du: Bad UX (User eXperience), erabiltzaile esperientzia txarra.Lehiaketa tematikoa izan da. Data aukeratzeko sistema ahalik eta okerrena diseinatzea zen kontua, eta Perfect Date izeneko proposamenak irabazi du. Oso gauza gaiztoa eta azkarra egin dute: date data da ingelesez, baina baita zita, hitzordua; eta ligatzeko Tinder aplikazioaren printzipioan oinarritzen da Perfect Date. Gustatzen zaizu data hori? eman eskuinera eta onartzen. Ez da egokia? ezkerrera eta ahaztu. Egun, hilabete eta urteekin data asmatu arte!Gauza kabroiak egin dituzte. Ea asmatzen duzuen honekin zer egin behar den, guk ez baitakigu.Beste hauetan:- Ordulariari bueltak eman behar zaizkio.
- Erruleta txanpon-jale baten gisakoa.
- Kolore-selektore baten bidezkoa.
- Elementuen zenbaki atomikoak baliatu data asmatzeko!
- eta beste hainbat Badux.LOL webgunean.Eta euskaraz? Ba ez dugu beti euskaldunok data UUUU-HH-EE formatu egokian sartzeko aukera eskatzen. Zenbat aldiz EE-HH-UUUU sistema espainola jartzen diguten (eta kontuan hartu gure ordena ISO formatu estandarrarekin bat datorrela, urtearen lau zifrak lehenbizi).Eta datekin ez denean, beste edozerrekin. Ez internazionalizazio-lokalizazio egokirik (teknika informatikoa interfazeak hizkuntza desberdinetan garatzeko) ez itzulpen ganorazkorik agertzen zaizkigun gauzetan. Ordaintzeko orduan gure lagun batek hau ikusi zuen duela egun batzuk, adibidez.Adi, hor errua ez du Errigorak, baizik eta ordainketa plataformak. "Belarritako" badakizue zer den...Bestalde, hemen bideo bat interfaze absurdoen beste bilketa batekin, duela urte batzuk soinu-parametroak aldatzeko proposamenekin egina.

Bere adimen artifizialeko (AA) tresnaren bertsio berriena aurkeztu zuen atzo Googlek, enpresako nagusiaren mezu baten bidez (hemen ingelesezko eta gaztelaniazko bertsioak, pixkat desberdinak elkarren artean). Gemini markaren Gemini 3 bertsioa da, eta lantzamenduan hizkuntza gehiagotan erabili daitekeela esan dute: horien artean euskara dago.Goiko edo beheko interfazeetan ikus dezakegu jada euskaraz ageri dela Gemini erabiltzeko interfazea. Atzo arte, euskaraz egindako galderei nahiko txukun erantzuten zien Geminik (beste AA gehienek bezala), baina interfaze horiek erdaraz zeuden.Gemini 3 erabil daiteke Pro aukera orainduta edo doako bertsioarekin, eta eredu bera euskaraz ikusten dugu bietan, baina erabilpen muga aurki dezakezu doakoa erabiliz.Txat edo berriketa interfazea zenbait tresna agertzen zaizkigu, eta lehen kronika honetatik kanpo utzi ditugu, probatuko ditugu aurrerago.Interfazearen eskumako alderan mikorofonoa dakusagu batetik. Horri sakatuta, mikrofonoa aktibatu dezakezu eta zure hitzak euskarara transkribatuko ditu Geminik, galdera horrela egin nahi baduzu, teklatua erabili gabe. Bestalde, Thinking ingelesez jartzen duen horretan, beste aukera bat dago: Bizkorra. Desberdintasuna da thinking edo pentsatzen egiten duenean, bere arrazoitzea erakusten dizula Geminik.Hemen adibide bat pentsatze horrena (ingelesez agertzen da, baina lehen ere bai, gaztelaniaz erabiltzen bazenuen arrazoibideen kontu hau ingelesez egiten zuen Geminik).Konturatu zarete akaso gauza berexi batekin ibili gatzaizkiola galdezka Geminiri, ea anaiak, arrebak, ahizpak eta nebak bereizten dituen. Eta erantzun diogun moduagatik, bai, oso ondo egin du hori gure lehen probetan.Familia bateko senide hipotetikoen inguruko galdera batzuen ondoren, azkenean analisi hau eman digu tresnak, laburpen zuzen bat:### Laburpen taula (Senidetasuna):Hona hemen anai-arreben arteko izendapen sistema osoa (mendebaldeko eredua barne hartuta):| Nork? (Hiztuna) | Nori? (Senidea) | Terminoa |
| :--- | :--- | :--- |
| **Mutilak** | Mutilari | **Anaia** |
| **Mutilak** | Neskari | **Arreba** |
| **Neskak** | Neskari | **Ahizpa** |
| **Neskak** | Mutilari | **Neba** (Bizkaieraz) / **Anaia** (Besteetan) |Probatu nahi baduzu, hementxe: https://gemini.google.com/app

TESIA  Borja Alberdi Esuain ikasleak BIKAIN CUM LAUDE kalifikazioa lortu zuen  2025·11·24  

  

- Tesi titulua: Impact of wide bandgap semiconductors on vertical traction systems 

Epaimahaia: 

- Lehendakaritza: María Pilar Molina Gaudó (Universidad de Zaragoza)
- Bokala: Irma Villar Iturbe (Ikerlan)
- Bokala: Alain Sanchez Ruiz (UPV/EHU)
- Bokala: Jon Azurza Anderson (Infineon Technologies)
- Idazkaritza: Iosu Aizpuru Larrañaga (Mondragon Unibertsitatea) 

Laburpena:  

Industriaren energia eskaera handitzen joan da azken urteetan zehar, eta honekin batera negutegi efektuko isuriek marka berriak hautsi dituzte. Industriako sektore ezberdinak birplanteatzeko beharra dago, ikuspuntua mundu iraunkorrago batean jarrita, baina aldi berean, lehiakortasuna mantentzea funtsezkoa da hainbat sektoretan. Energiaren kontrolak eta manipulazioak garrantzi handia dauka ikuspuntu berri honetan. Potentzia elektronikari erreparatuta, material erdieroaleetan oinarritutako transistoreak erabili dira bihurgailuak sortzeko, eta orain arte Silizioa izan da transistoreak eraikitzeko erabili den materiala. Transistoreen eskaera mailaren hazkundearekin batera hobekuntza jarraia jasan du teknologia honek gaur egun arte; alabaina, azken urteetako material erdieroale berriek, banda zabaleko erdieroaleek (WBG) hain zuzen ere, Silizioak baino ezaugarri elektriko hobeagoak eskaintzen dituzte. Banda zabaleko erdieroaleetan oinarritutako transistoreek egungo bihurgailuak birplanteatzeko eta hobetzeko aukera ematen digute. Hala ere, transistore hauen portaera eta eskaintzen dituzten onuren aprobetxamendua aztertzeko dago oraindik, eta Silizioan oinarritutako sistema batetan integratzea ez da berehalakoa. Horregatik, tesi dokumentu honetan, banda zabaleko transistoreak egungo potentzi elektronikan integratzeko prozesua eta honen inguruan egindako ikerketa biltzen dira. Dokumentu honen 1. kapituluan Siliziozko eta WBG erdieroaleen egungo egoera azaltzen da. Hainbat adierazleei (FOM ezberdinei) erreparatuta, teknologia hauen konparaketa erakusten da, merkatuaren joera berriak azalduz. 2. kapituluan, GaN teknologiaren ikerketa sakonago bat aurkezten da. Bertan, GaN GIT transistoreen ezaugarriak eta ezberdintasunak aztertzen dira tentsio altuko aplikazioetarako, bereziki saturazio korrontean, erresistentzia dinamikoan, eta zirkuitu laburreko ezaugarrietan erreparatuta. Banda zabaleko erdieroaleen integrazioa errazteko, ekuazio polinomikoak oinarri bezela hartuz modelo analitiko bat garatu da 3. kapituluan, transistore ezberdinen konparaketa egiteko eta hauen uhin forma kritikoak estimatzeko erabili dena. Aurkeztutako modelaketa prozesua Siliziozko push-pull bihurgailu batekin balidatu ondoren, 4. kapituloan, trakzio bertikaleko sistema baten nondik norakoak azaltzen dira, potentzi elektronikako ikerketa kasu bezela. GaN erdieroaleak erabiliz, eta aurkeztutako modeloen laguntzaz, DC/DC bihurgailu baten diseinua gauzatu da. Propotipoaren emaitzak alderatzeko asmoz, beste DC/DC bihurgailu bat disenatu da, oraingoan Siliziozko MOSFETak erabilita, baina konmutazio gogorrak izan ordez, konmutazio lehunak lortzeko topologia aldaketa bat proposatu da. Azkenik, GaN GITetan oinarritutako hirugarren bihurgailu baten diseinua aurkezten da, eta dokumentuari amaiera emateko, etorkizunerako ildoak eta tesian lortutako ondorio nagusiak aurkezten dira.

Telegram kanala utzi (Teknologia Pilulak zeritzona) eta Substack plataformaren bidezko buletina edo newsletterra sortu du Beñat Erezumak, Adimen Artifizialean (AA) berezitutako dibulgatzaile teknofiloak. E-posta bidez jasotzen diren buletinen pizkunde garai batean gaudela dirudi. Sare sozialetatik kanpoko jarraipen forma ganorazkoagoak sortzeko behar bati erantzuna. Bost urteko Telegrameko jardunaren ondoren, hemen azaldu du Erezumak aldaketa.Joera honekin bat egin duen beste bat, Berria egunkaria. Lurraldeetako buletinak sortu zituen urrian (bost, Ipar Euskal Herrirako bat), eta hemendik harpidetzen ahal zara horietara. Asteroko buletinak dira horiek, Nafarroakoa eta Ipar Euskal Herriko astelehenetan zabaltzen da 18:00etan; eta Arabako, Bizkaiko eta Gipuzkoako buletinak ostegunetan, 18:00etan horiek ere.Berriak banatzen duen beste buletin interesgarri bat Pello Urzelai kazetariarena da. Kazetaritza ardatz deritzo, eta Sustatun ere iragarri genuen. Igandeetan egiten da bidalketa. Hedabideen ingurukoa da, oro har.Buletin edo newsletter izenpeduna halaber Berriako kolaboratzaile batena: Ana Malagon idazlearen (teknofiloa hau ere) Cottage Zaharretik (hau ere Sustatun aurkeztua). Berrian idazten dituen zutabeen aipuak eta edukia aurki daitezke, baina bonus interesgarriekin eta estekekin osatzen du berea Malagonek.

Tu espacio para buscar y ofrecer tus conocimientos

Tu espacio para organizar proyectos de I+D+i colaborativos

Zer egin nahi duzu?

Aplikazioa eguneratu du Berriak, audioari berebiziko garrantzia emanez

Sarebide: euskal hedabide talde baten egitasmo teknologiko berria

Interfaze okerren katxondeoa