Urtarrilean izan zen albiste nola itxi zen Espainiako teknologia agerkari ezagun bat, Genbeta. Hilabete bereko estatistika bat dakargu orain, ingelesezko teknologia agerkarien trafiko gainbehera ikaragarria izaten ari dela, eta gauzak horrela nekez biziraungo dutela askok horrekin lotuta baitute irabazien bidea.NiemanLab kazetaritza digitalaz informatzen duen medioan ikusi dugu, Growtika deritzon analitika-aholkularitza zerbitzu baten analsia, ingelesezko albiste teknologikoen marka ezagunen trafiko neurtu duena. Azterketaren emaitza, bilaketa bidez doakien trafikoa % 58 jaitsi dela 2024tik. Ikus taula, hileroko bisitari jaitsierarekin. Bisitariak milioika kontatzetik, milaka kontatzera kasu batzuetan.Tarteka Sustatutik erreferentzia eta informaziorako kontsultatzen ditugun izen ezagunak daude hor, Wired, CNET, Mashable, The Verge eta PC Mag. Sustatuko editoretzak bereziki apreziatzen duenThe Vergerena ikusgarria da bereziki, %85eko jaitsiera. Izen horien artean Mashablek eutsi dio nolabait, %30 jaistea eustea baldin bada. Estimazioak dira, ez hedabide horiek emandako datuak, baina asmakizunak ez direla susmatzeko motiborik badago.Arrazoia zein ote den, ziurtzat ezin da eman, baina datuak aztertu dituztenek uste dute Googleren emaitzetan AA bidezko laburpenak agertzean dagoela gakoa. Zertarako klikatu, baldin eta erantzunak begiratu batean ematen badizkizu Googlek. Hau bereziki igarri dezakete zerbitzu eta tramankulu digitalen review edo ikuskapenak egiten dituzten agerkariek, ala nola HowToGeek, Digital Trends edo ZNET. Albisteak baino, beren edukia argibideak dira, deskribapenak gailuenak, eta, era berean, auzi teknikoak konpontzeko edo jakiteko pistak. Eduki eta ezagutza hori guztia xurgatzen du Googlek, eta pilula ulergarrietan eskaini AA laburpenetan. Googleren 25 urteko "zerbitzua", bilaketen bidez klikak bideratzea, zeinaren inguruan lanbide bat garatu zen, SEO edo Search Engine Optimization teknikak (bilatzaileetzarako edukia moldatzeko teknika eta tranpatxoak), erradikalki aldatu da.Adituen arabera, ingelesezko bilekatetan Reddit-eko edukiak gora egina izana izan daiteke beste motibo bat, eta baita, Googletik aparte, AA alorreko zerbitzuek ere bilatzaile gisa gero eta gehiago erabiltzea, bereziki ChatGPT eta Claude, eta bilaketan gehiago fokatutako Perplexity.Ondorioa: bilatzaile nagusiaren mende egotea bisitetarako ez da diru-sarrera eredu eutsigarri bat 2026an; akabo SEO egitea. Aro baten amaiera dirudi: agerkari hauek gehienak (kenduta Wired edo PC Mag) guztiz ziber izan dira, hala jaio eta garatu ziren 21. mendearen hasieran, teknologiaz informatzeko kanal teknologikoetatik, produkturik aproposena ziruditen Internet garaiko informazio fluxu eta kontsumorako. Jada beste fase batean gaude, eta NiemanLab-eko analisian ez dugu ikusi, baina aipatuko dugu hemen sare sozialen zabalkundeak ere izango zuela zerikusirik: informazio fluxu eta kontsumorako Instagram nagusitu da, eta indartzen ari da joera hori. Instagramen fluxu hori benetan informatiboa edo kazetaritzazkoa ote den beste kontu bat da, baina gailendu dela argi dago.Sustaturi dagokionez, esango dugu gure trafikoa oso xumea dela, baina oraingoz ez dugula hau igartzen, eta alderantziz, 2025eko datuetan, Hedabideen Behategiak emandako datu baikorrekin bat gatozela.

Android aplikazioen ekosisteman Google erabateko kontrola inposatuko du aurten. Edo inposatu nahi du. Irailera arteko epea baitago, Android mugikorretan aplikaziorik instalatu edo sistema horretako app-ak garatu ahal izateko Googlek ezarrui duen neurria indarrean sartu arte: Apple / iOS ereduan bezala, Android aplikazio bat garatu / instalatu ahal izateko, Googlen erregistro ofiziala egin beharko du garatzaileak, eta .APK askeak, Google Play denda ofizialetik kanpo bizi diren aplikazioak, ezingo dira instalatu Android mugikorretan.Neurriak ekar dezakeenaren aurrean, software librearen eta garatzeko askatasunaren aldeko hainbat eragile Keep Android Open ("Android irekierari eutsi") mugimendua sortu zuten duela aste batzuk. Aste honetan, publiko egin dute gutun ireki bat Sundar Pichairi zuzendua, Google / Alphabet erraldoi teknologiko nagusiari.Neurri honek ekar lezake F-Droid bezalako zerbitzuen heriotza. Googlerekin derrigor lotzen ez diren aplikazioen denda edo merkatu ireki bat da F-Droid, eta han ere kezka larria adierazi dute neurriaren aurrean.Neurria inposatzeko Googleren aitzakia da hau "segurtasuna bermatzeko" dela. Prakikan, 2026ko irailetik aurrera ezingo da Androiderako aplikaziorik banatu Googlen erregistratu gabe.Enpresa komertzial gehienak dago denda ofizialetatik pasatzen dira jada, han dago publikoa, jende gehiema. Baina politika berri horrekin, edozein aplikazio banatzeko, nahitaez Play Storetik pasatzera behartzen zaitu. Dendaren kuotak ordainduz, kontu bat sortuz (identifikazio zehatza behartuz), eta Google-ren baldintza guztiak onartuz bide batez. Bueno, Apple-ren estiloa da, software guztia leku bakarrean zentralizatuta.Googlek bota du erronka eta epea, baina ikusteko dago oraingik ea azkenean gauzatuko den hau globalki, edo Europako Batasunean atzera botako duten. F-Droidez gain, Galaxy Store (Samsung), GetApps (Xiaomi) eta horrelako denda komertzialekin zer gertatzen den ere ikusteko dago. Agian horrelako enpresek indar gehiago dute.Eozein modutan software librearen askatasunarentzat kolpe latza da hau, Android-ek jatorriz abantaila hori baitzuen, software librea izatearena, zeren funtsean Android sistema eragilearen irekitasuna ere kolokan dago. Dendetako baimenen iraileko epemugaz gain, garapen inguruneetan ere eragina izaten ari dira Googlek ezarritako zenbait neurri. Garatzaile askok Android ROM sistema darabilte, libreki, paraleloan garatu den sistema eragilea, software librearen printzipioen arabera legalki eta egoki garatua; baina horren bidezko garapenak ere oztopatzen ari da Google.Albiste batzuk honen inguruan: gaztelaniaz / ingelesez

Bihar asteartea, apirilak 21, topaketa bat egingo da Bilbon Euskal Herria Digitalak ekimenak antolatuta, izenburu honekin: 'Teknopolitika eta burujabetza uztartzeko bideak, mapak, gidak'.Hizlari nagusiak izango dira Paolo Gerbaudo eta Cecilia Rikap. Liburu berri baten egileak dira (Recuperar la Soberanía Digital – Una hoja de ruta para construir un ecosistema) zeinean arlo publikoa eta herritarren arteko harreman berria birpentsatzeko bideak proposatzen dirten, sareko azpiegituren eta datuen kontrolaren aurrean.Biharko jarduinaldiak azaltzen saiatuko dira zergatik sortzen diren mendekotasun digitalak, eta zertan oinarritzen den teknologiako oligopolioen boterea.EKITALDIA- Data: Apirilak 21
- Ordua: 18:00-20:00
- Lekua: Boltsa eraikina, Pilota kalea 10, Bilbo.EGITARAUA- 18:00 Sarrera (Euskal Herria Digitala)
- 18:15 Paolo Gerbaudo (Subirautza garai digitaletan)
- 18:45 Cecilia Rikap (Dependentzia digitala)
- 19:15 Mahaingurua
- 19:45 Galderak
- 20:00 ItxieraInformazio gehiago, hemen.

Jon Miranderi buruzko ikerketa sakona egin du Mikel Sotok Mirande: herriminez, ezin-minez obraren bidez. Lan hori idazlearen gaineko ikerketarik sakonena da. 

Duen garrantziagatik, lan hori lau haizetara zabaltzeko, Elkar argitaletxeak eta Deabruaren Eskolak hurrengo hilabeteotan hitzaldi-ziklo bat antolatu dute Euskal Herri osoan zehar.
 Saio bakoitzean, Miranderen bizitzaren, pentsamenduaren eta literaturaren alderdi bat jorratuko dute hainbat hizlarik. 

Gaur bertan, apirilak 16, abiatuko da zikloa Iruñean egingo den lehen saioarekin. Arratsaldeko 19.00etan, Zaldiko Maldiko elkartean, Mikel Soto eta Jon Alonso mintzakideek Miranderi buruz hitz egingo dute, “gure artean eztabaida gehien eragin dituen idazleak euskal literaturara ekarri zuen modernotasunari buruz eta literatura horretan okupatzen duen leku eztabaidaezinari buruz”. Azkenean, idazle bat, idazle normal bat!: Miranderen eragina ondorengo belaunaldiengan izena jarri diote saioari. 

Hil honetan ere beste bi saio egingo dira: bat Gasteizen, Montehermoso Kulturuneko Ortuño Aretoan, apirilaren 22an, 18:30ean, Miranderen gaineko ikerketak eta eztabaidak: blokeoak, urratsak, beharrak eta erronkak, Mikel Soto eta Miel Anjel Elustondorekin; eta bestea Donostian, Fermin Calbetoneko Elkar dendan, apirilaren 23an, 18:30ean. Hor, Mikel Soto eta Amaia Elizalde bilduko dira Haur Besoetakoa: gaurkotasuna eta etorkizuna gaia jorratzeko. 

Datozen asteetan Bergaran, Lakuntzan eta Zuberoan zehazteke dagoen herri batean ere egingo dira solasaldiak.

Tu espacio para buscar y ofrecer tus conocimientos

Tu espacio para organizar proyectos de I+D+i colaborativos

Zer egin nahi duzu?

Teknologiako agerkarien gainbehera latza trafikoan

Teknologiako agerkarien gainbehera latza trafikoan

BERNEDOKO HAURRESKOLA – 2026/27 ikasturtea – Izen-ematea: apirilaren 13tik maiatzaren 4ra