ULMA Mantenu Zerbitzuak industria-ikerketako “I.A & IoT” proiektua garatzen dabil.




 Proiektuaren xedea da Internet of the Things (IoT) eta Adimen Artifizialeko teknikekin dopatutako hodeian Software Plataforma bat garatzea eta abian jartzea.

 “I.A & IoT” Proiektuaren helburua da paradigma tekniko eta komertzial funtzional berriei euskarria ematea, zeinen bitartez ULMA Mantentze Zerbitzuen ibilgailuen sortari bizi-zikloaren kudeaketa, eragiketa eta kudeaketa gaitasun teknikoak zabaltzea ahalbidetuko zaie.

 “I.A & IoT” proiektuak zenbait helburu zehatz ditu, eta horien artean, duten garrantziagatik, honako helburu tekniko hauek nabarmendu genituzke: 

 • Gauzen Interneten (IoT), Big Data Industrialaren eta Adimen Artifizialaren arloko Ezagutza Berria eskuratzea eta sortzea, bai eta mantenu-ekipamenduen (orga elektrikoak, trasnpaletak, etab.) kudeaketa aurreratuari dagokionez nazioko eta nazioarteko esperientzia praktikoetatik etor daitezkeenak ere.

 • Internet of the Things aplikazio eta zerbitzu-eskeintzen definizioa.

 • Jarduketa-aukerak proposatzea eta indar handieneko jarduera-ildoak hautatzea, gutxieneko produktu bideragarriaren ikuspegitik.

 Proiektuaren aurrekontuaren zati bat Enpresako I+G laguntzeko Hazitek Programak finantzatzen du, Eusko Jaurlaritzak eta Europar Batasunak batera finantzatutako jarduera, 2021-2027 Eskualde Garapenerako Europako Funtsaren (EGEF) bidez.

Ikerbasque Fundazioak nazioarteko deialdia egin du behin-betiko 10 ikertzaile-lanpostu eskainiz. Deialdia datorren irailaren 8an itxiko da.Ikerbasque Zientziarako Euskal Fundazioak behin-betiko 10 lanpostu eskaintzeko deialdia egin berri du. Euskadin epe-luzean zientzia garatu nahi duten ikertzaileei zuzenduta dago eta irekita dago, irailaren 8a arte.Deialdia hurrengo ikertzaileentzat zuzenduta dago:- Established Researchers, beren ikerketa-lerroak modu independentean garatzen dituzten doktorego-ondoko ikertzaileak, beren arloko ikerketa-bikaintasunean oinarritutako ospe finkatua dutenek, Research Associate gisa postu iraunkor bat lortuko dute.
- Senior Leading Researchers, beren arloan ikerketa bikaintasunean oinarritutako nazioarteko ospea dutenak eta ikerketa-finantzaketa garrantzitsuak lortzeko ibilbide frogatua dutenak Research Professor bezala postu iraunkor bat lortuko dute.Hautagaiek ibilbide zientifiko sendoa, heldutasun profesional maila altua eta nazioarteko esperientzia zabala izan behar dute. Gainera, ikertzaileak ikerketa independenteak garatzea eta finantzaketa lehiakorra erakartzeko gai izatea espero da, baita ikerketa talde propioak eratzea ere.Deialdi honen inguruko ezaugarri guztiak eta ebaluazio prozesuei inguruko informazioa hurrengo dokumentuan irakur ditzakezu (ingelesez) eta informazio osagarria Ikerbasqueren webgunean aurkituko duzu.

Hezkuntzan Librezale taldearen agerpena izan zen Eusko Legebiltzarrean joan den atsean, eta talde horren partaideek hitza hartu ondoren, batzordekideen txanda zen. EAJko taldeko Aitor Urrutiak, software libreaz askorik ez duela ulertzen agerian utzi zuen. Software libre guztia doan dela uste du Urrutiak. 2021eko beste agerpen batean, segurtasunik gabeko softwarea zela esan zuen. Bada garaia pixkat ikasi, formakuntza saioren bat, mintegiren bat, norbaitek eman diezaion Urrutia legebiltzarkideari.Adibidez, Enpresa Digitaleko jardunaldi hau ez litzaioke gaizki etorriko Eusko Legebiltzarreko ordezkariari, euskal industrian software librea nola erabiltzen den jakiteko. Urrutiak esandakoak entzuteko, Jokin Lacalle hezkuntza digitalean adituak Twitterren jaso zuena.Ezin dut Aitor Urrutiarekin. Bere mezu jasangaitzak, erabiltzen duen tonua, esaten dituen aldrebeskeriak, bere ignorantziaren egiten duen agerpen publikoa... Ez dakit zer egiten duen pertsona honek batzorde honetan pic.twitter.com/AJm2lwQiFd — Jokin Lacalle (@jolaus) May 19, 2022Urrutiak ingelesezko free-dohainik eta free-aske terminoak nahasten ditu, batetik, eta bestetik, software librearen osagarri batzuk izan daitezke dohainik, eta hala ere haiek garatzen eta instalatzen lan egiten dutenek beren tarifak kobratu eta bizibidea irabazi (Euskadiko Software Libreko Enpresen elkartea hor dago, enpresa komertzialak dira). Software libreak kobratzen ez duena da lizentzia, erabilpen hutsagatiko tarifa bat, eta software libreak gainera jabetza ziurtatzen dio bezeroari; software pribatiboko tresna batzuekin gertatzen ez dena, John Deere traktoreekin gertatzen den bezala, pentsatuko baituzu traktorearekin erosi duzun softwarea zeurea dela, traktorearen gurpilak bezala; baina ez, John Deerek uste du softwarea berea dela eta traktoreak nola funtzionatu behar duen software horren bidez berak kontrolatu behar duela.Tira, bi adibide besterik ez, ikasiz gero ulertu daitezkeenak.Urrutiarenak izandako erreakzioen artean, berak aipaturiko softwarearen (Wordpress: ez zekien software librea zenik, eta hortik gero ondorio absurdoak, pluginak eta zerbitzuak saltzen direnez Wordpressekoak, nola litekeen hori librea izan) euskaratzaileetako baten erantzuna, Mikel Larreategi programatzailearena:  "...Ordukoa errepikatzen dut: gomendioa egiten diot software librearekin, software librea egiten eta euskal herrian lan egiten duten enpresa txiki eta ertainekin hitz egiteko. Benetan kontua zertaz doan jakingo zenuke. Seguraski zuk zerorrek ere software librea darabilzu egunero eta enteratu ere ez zara egin".

Arrasateko 46 argazki zaharrez osatutako erakusketa ikusgai egongo da “Etxaluze Gizarte Zentroan”. (Abaroa izenez ere ezaguna den gizarte zentroa, alegia).

Argazkiok Arrasate Zientzia Elkarteak utzitakoak dira eta XIX. mende amaierako eta XX. mende hasierako gure herriaren atal interesgarriak erakusten dituzte. 

Erakusketarekin batera, testuinguru historikoa eta argazkien edukia azalduko duten hitzaldiak emango dira. Horien bidez, argazkien testuinguru historikoa ezagutu ahal izango da eta baita argazkietan agertzen diren elementuen xehetasunak ere. 

Aipatu ekintza horiei  Arrasateko iraganari buruzko ikuspegi interesagarri bat eskuratzeko aukera emango dute, segurutik askorentzat ezezaguna izan litekeena.

­         Hitzaldiak zehaski honako hauek izango dira:

 Maiatzaren 19an, 6: 00etan, Josemari Vélez de Mendizabalen hitzaldia (izenburua: Inflexio Historikoko Puntua).

­         Maiatzaren 26an, 6: 00etan, Ana Isabel Ugalderen hitzaldia (Titulua: Arrasateko modernizazioa: Pedro Viteriren bultzada).

Erakusketa maiatzaren 8etik 20ra egongo da zabalik eta bisita ordutegiak honako hauek izango dira: 

­         Astearte, Ostegun eta Ostirala: (17:00etatik 20:00tara).

­         Larunbata eta Igandea (12:00etatik 14:00etara) eta (17:00etatik 20:00tara).

Arrasateko Eskola Publikoko eta Arizmendi Ikastolako ikasleek erakusketa gidatutako burutzeko aukera izango dute.

Erakusketa Gipuzkoako Foru Aldundiak sustatutako «Gipuzkoa Belaunaldi Arteko» proiektuarekin lotuta dago, «Etorkizuna Eraikiz» ekimenaren testuinguruan.

«Gipuzkoa Belaunaldi Arteko» proiektuarekin helburua ezagutza transmititzeko eta komunitatearen garapenerako belaunaldien arteko lotura sustatzea, eta, oro har, lankidetza eta balio-zahartzea sustatzea, eta horretarako, herritarrei irekitako belaunaldi arteko trukaketa, esperimentazioa eta lankidetza bultzatzeko gai izango den gune bat bultzatzen beharrezkoa da.

Ondoren, bigarren erakusketa batek On Josemaria Arizmendiarrietaren bizitza ibilbidea eta lana ezagutzeko aukera emango du. Berriz ere, bigarren erakusketa honekin batera, testuinguru historikoa eta argazkien edukia azaltzen duten hitzaldiak eskainiko dira. Mondragon garaikidea ulertzeko ezinbesteko erakusketa izango da honako bigarren hau.

EHUko Kultura Zientifikoko Katedrak antolatzen duen Bilbo Zientzia Plaza jaialdiaren bosgarren edizioa izango da datorren astelehenetik (irailaren 12tik) irail amaierara arte (30era arte). Bi erakusketa eta zazpi ekitaldi biltzen ditu programak 2022ko edizio honetan.Erakusketak honakoak dira:• Ibilbide bat nanomunduan. (Irailak 12-24, Bizkaia Aretoa). Nanozietziako eta nanoteknologiako egileak, lanak eta tresnak aurkezten dira. Erakusketa honekin lotuta, ibilbide bat antolatu da (irailaren 22an euskaraz, eta 23an gazteleraz) Ibon Santiago ikertzailearen eskutik (eman izena 'kzk.ehu a bildua gmail.com' helbidera idatziz).
 
 • Zientzia kalean. (Irailak 15 - 18, Euskalduna Jauregiko zabalgunea; irailak 26 - urriak 9, Arriaga plaza eta Metro Bilbaoko Moyua geltokia). Telefono mugikorraren, ogiaren, garagardoaren, sukaldeko plakaren, kotxearen eta egunero erabili ohi diren beste elementu batzuen inguruko erakusketa.Ekitaldiei dagokienez, hauek dira:
 
Ciencia Show. (Irailak 15, Euskalduna Jauregia). Big Vanek antolatu eta Bigarren Hezkuntzako ikasleak protagonista dituen bakarrizketa lehiaketaren azken gala, gazteei zientzia eta teknologia modu atseginean eta zuzenean hurbiltzea helburu duena.Naukas Pro. (Irailak 15, Euskalduna Jauregia). Zientzialari profesionalek eta ikerketa-zentroetako kideek 20 minutuko hitzaldietan partekatuko dituzte zientziaren arloan dituzten esperientziak, beren lana zertan datzan azalduko dute eta beren berrikuntzarik deigarrienak publiko orokorrari jakinaraziko dizkiote. Aurtenho Naukas Pro honek Garapen Jasangarrirako Helburuen inguruan egindako ikerketak izango ditu ardatz.Naukas Bilbao. (Irailak 16 eta 17, Euskalduna Jauregia). Ezagutza zientifikoa modu erraz eta lotsagabean zabaltzeko gaztelaniaz egin den zientzia-dibulgazioko ekitaldirik handienak hamar urte baino gehiago daramatza Bilbon. Bi eguneko ikuskizuna da, publiko guztiari zuzendua, eta 10 minutuko hitzaldiak eta ikuskizunak izango dira.Naukas Kids. (Irailak 18, Euskalduna Jauregia). Tailerrak, esperientziak eta  ikuskizuna, gaztetxoenek zientzia hurbilenaz eta atseginenaz gozatzeko aukera izan dezaten.Bidebarrieta Zientifikoa. (Irailak 21, Bidebarrieta Liburutegia). Maia García Vergniory ikertzailea (DIPC) eta Kepa Acero surflariak Historia de una ola hitzaldia egingo dute: surfean egiteko olatuetan zer paper duten mareek, haizeak edo itsas hondoak. Hitzaldia zuzenean jarraitu ahal izango da Kulturgunea kanalaren bidez.Bilbo Zientzia Plazako jarduera guztiek sarrera libre eta doakoa izango dute. Naukas Pro eta Naukas Bilbao streaming bidez ikusgai izango dira Kosmos EITB kanalean.Jaialdiaren inguruko informazio eta xehetasun guztiak Bzp.eus webgunean.

Lehiaketa  BBFko Berrikuntzaren Kale Irekiko paretak kolorea izango du irailetik aurrera 

BBFk eta BDCCk abiarazitako lehiaketaren fase desberdinen ondoren, Bilbao-Bizkaia energia berritzaile eta ekintzailea modu artistikoan islatuko duen pareta nola jantziko den erabakitzeko beste pausu bat eman da  2022·07·29  

  

BBFk eta BDCCk abiarazitako lehiaketaren fase desberdinen ondoren, Bilbao-Bizkaia energia berritzaile eta ekintzailea modu artistikoan islatuko duen pareta nola jantziko den erabakitzeko beste pausu bat eman da.  

Azken fasean, 489 lagunen partaidetzarekin, LEINN Arts-Mondragon Team Academyn team company den Merakiko Valeria Jiménez Cordobarena izan da obrarik bozkatuena. BBFn bizi diren zenait balioekin lotzen da obra: interkonexioak, begirada globala eta lokala, aniztasunak, talde-lana, lankidetza,... 

Komunitatearen eta adituen batzordearen faseak kontuan hartuta, azken proposamena irailaren hasieran eraikiko da. Horrekin, iraileko hurrengo asteetan, BBFren Berrikuntzaren Kale Irekia kolorez tindatuko da. Kale hau Dock taberna, pertsonen arteko topagunea; Agora Plaza, partekatzeko ekitaldien lekua; Makery, prototipatzeko garajea eta Market Plaza, non hainbat ekintzailek espazio irekia partekatzen duten, osatzen dutena, pixkanaka bere forma hartzen ari da.  

Hau beste urrats bat baino ez da Berrikuntzaren Kale ireki horretara bidean, eta datozen hilabeteetan beste pauso gehigarriak emango dira. Zeintzuk? Irailetik aurrera ikusiko dugu.

Tu espacio para buscar y ofrecer tus conocimientos

Tu espacio para organizar proyectos de I+D+i colaborativos

Zer egin nahi duzu?

ULMA Mantenu Zerbitzuak industria-ikerketako “I.A & IoT” proiektua garatzen dabil.

Ikerbasque Zientziarako Euskal Fundazioak 10 ikerlari-lanpostu betetzeko deialdia egin du

Aitor Urrutia legebiltzarkideari software librearen gaineko formakuntza komeni zaio